कलाकार तथा मोडल विमल अधिकारीले एआईबाट मौलिक गीतलाई तोडमोड गरेर पुनरुत्पादन गर्ने तथा प्रतिलिपि अधिकार उल्लंघन गर्ने ९५ युट्युब च्यानलविरुद्ध प्रहरीको साइबर ब्यूरोमा उजुरी दिएका छन् । विमल अधिकारीले दर्ता गराएको उजुरीमा ती युट्युब च्यानलबाट क्षतिपूर्ति पाउनुपर्ने र कार्वाही हुनुपर्ने माग गरेका छन् । उनले आफ्नो प्रतिलिपी अधिकारमा रहेको डेढसय जति गीतलाई एआईबाट तोडमोड गरेर सोसल मिडियामा हालिले र अडियो प्लाटफर्ममा आफ्नो नाम दर्ता गराएको वताए ।

यसैगरि लोकगायक शिव हमालले पनि प्रतिलिपि अधिकार उल्लंघनविरुद्ध साइबर ब्यूरोमा जाने बताए । पपगायक सुगम पोखरेल र एक्स ब्यान्डका शिव मुखियाले सोसल मिडियाबाट यस्तो कार्यविरुद्ध आफू कानुनी उपचारमा जाने बताइसकेका छन् ।