साउन महिना सुरु भएसँगै नेपाली सांगीतिक क्षेत्रमा तिजको रौनक छाएको छ। चर्चितदेखि नयाँ पुस्तासम्मका गायक–गायिका, संगीतकार, गीतकार, मोडल तथा निर्देशकहरू तिज विशेष गीतको रेकर्डिङ, म्युजिक भिडियो छायांकन, सम्पादन र सार्वजनिक गर्ने तयारीमा व्यस्त देखिएका छन्।
हरेक वर्षझैँ यस वर्ष पनि मौलिक तिज गीतसँगै आधुनिक शैलीका गीतहरू बजारमा ल्याउने प्रतिस्पर्धा बढेको छ। युट्युब र सामाजिक सञ्जाललाई लक्षित गर्दै कलाकारहरूले एकपछि अर्को तिज गीत सार्वजनिक गर्ने तयारी गरिरहेका छन्। स्टुडियो, छायांकन स्थल र पोस्ट–प्रोडक्सन हाउसहरू कलाकारको चहलपहलले भरिएका छन्। तिज पर्व नजिकिँदै जाँदा आगामी केही सातामा दर्जनौँ नयाँ तिज गीत सार्वजनिक हुने अपेक्षा गरिएको छ।