आगामी साउन २५ गतेदेखि प्रदर्शनमा आउन लागेको फिल्म नम्बरी सुन’ को टिमले फिल्मको पव्लिसिटीको लागि दर्शकलाइ सुन उपहार दिने भएको छ । फिल्मको टिमले प्रसमिट गर्दै फिल्म हेर्ने दर्शकमध्ये १२ जनालाई सुन उपहार दिने बताएको हो । खल्ती एप’बाट फिल्मको टिकट काट्ने ५ जना र त्यसभन्दा बाहिरका ७ जनालाई सुनको मोतीवाला ‘चन्द्रहार’ प्रदान गरिनेछ । त्यो उपहार ‘लक्की ड्र’ मार्फत् सार्वजनिक गरिने प्रस्तुतकर्ता खातीले जानकारी दिए । पेशाले सुन व्यवसायी समेत रहेको निर्माता खातीले यसअघि फिल्मको एक गीत सार्वजनिक कार्यक्रममा निर्देशक राजु गिरीलाई खुकुरी अंकित नम्बरी सुन समेत उपहार दिएका थिए ।

फिल्ममा लगभग ७० वर्षअघि घर–घर पुगेर सुनको गरगहना बनाउनेको कथालाई प्रस्तुत गरेको निर्माण टिमले वताएको छ । फिल्ममा नम्रता सापकोटा,गौरव पहारी, सरोज खनाल, राजाराम पौडेल, सविन बाँस्तोला, राजेन्द्र खड्गी, बुद्धि तामाङ, विनोद न्यौपाने, नारायण खाती, आदिको अभिनय रहेको छ । फिल्मलाइ मनोज रिजाल, सविन खाती र सरोज खातीले निर्माण गरेका हुन ।