गायिका स्मिता दाहालले आगामी २१ गते प्रेमीसँग विवाह गर्ने भएकी छीन्। प्राप्त जानकारी अनुसार गोकर्णस्थित नर्लिङ रिसोर्टमा विवाह समारोहको आयोजना हुने भएको छ । यो जोडीले इन्गेजमेन्ट गरिसकेका छन् । स्मिताले बबरमहलका २७ वर्षिय सायुज्य श्रेष्ठलाई प्रेमीको रुपमा रहेको र चाडै उ आफ्नो जीवनसाथी हुन लागेको कुरा केही दिन अघी भनेकी थियिन् ।
इन्स्टाग्राम भिडियो क्याप्सनअनुसार यो जोडी विद्यालय कालदेखि नै प्रेममा रहेको अनुमान लगाउन सकिन्छ ।
२६ वर्षिया स्मिता लेख्छिन्, ‘मेरो माया, कलेजको बेन्चहरूमा लुकेर हेराहेर गर्दादेखि सधैंको लागि योजना बनाउँदासम्म । हामीले मात्र बुझ्न सक्ने यो हाँसो, अबेर रातीसम्मको कुराकानी र शान्त क्षणको यात्रा । साथीदेखि मेरो माया र अहिले सँधैको लागि । तिमीले ल्याएका हरेक खुसीको लागि धन्यवाद । मेरो औंला वरिपरि बेरिएको वाचाको लागि र मलाई संसारको सबैभन्दा भाग्यशाली हृदय बनाएकोमा धन्यवाद । यहाँ हाम्रो सुरुवातको लागि, यी हातले बनाएका सपना, माया, हाँसो र अनन्त सुन्दर सम्झनाको जीवनको लागि । म तिम्रो हुनको लागि पर्खन सक्दिन, सधैं र सधैं । मेरो सारा हृदयले, तिम्रो ।’
सायुज्यले एमबीए अर्थात व्यवस्थापनमा स्नातकोत्तर गरेका छन। उनी व्यवसायी पनि रहेको बुझिएको छ । स्मिताले भने अन्तर्राष्ट्रिय बजार व्यवस्थापन विषयमा स्नातकोत्तर गरेकी छीन् । ‘मायालु तिमी कता छौ’ उनको हिट गीत हो । उनी पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’की नातिनी हुन् ।