गायक तथा अभिनेता प्रकाश सपूतको निर्देशन रहेको फिल्म ‘वसन्त’को पहिलो गीत रिलिज भएको छ । रिलिज भएको ‘साँझ प¥यो झमक्क’ वोलको गीतमा प्रकाश स्वयंको गायन छ भने उनलाई गायिका शान्तिश्री परियारले साथ दिएकी छन् । सालैजो र यानीमाया भाकाको गीतमा प्रकाश स्वयंको शब्द रचना तथा संगीत छ ।
गीतको भिडियोमा फिल्मका दुई मुख्य पात्र प्रकाश सपूत र स्वस्तिमा खड्काबीचको प्रेमलाई देखाइएको छ ।
आगामी चैत २२ गतेबाट प्रदर्शनमा आउन लागेको फिल्ममा प्रकाश र स्वस्तिमासहित खड्गबहादुर पुन, प्रभात पल, श्री शिवांसी, उर्मिला लमगडे, अनुप बराल, प्रकाश घिमिरे, कमलमणि नेपाल लगायतको अभिनय छ ।