अर्जुन कुमारको निर्माण रहेको फिल्म ‘सानो संसार’को पहिलो गीत ‘मगमग फूलबारी’ सार्वजनिक गरिएको छ । सार्वजनिक गरिएको गीतमा राजनराज सिवाकोटीको शब्द रचना तथा संगीत छ भने पार्श्व गायनमा मेलिना राईलाई संगीतकार सिवाकोटीले साथ दिएका छन् । विवाहको सेटअपमा तयार पारिएको लोक लयको यो गीतमा फिल्मका शीर्ष कलाकारहरु सीतादेवी तिमल्सिना (केदार घिमिरे ‘माग्ने बुढा’की श्रीमती), राज पंगेनी शर्मा, अनु दाहाल, अन्जसा रिजाल, शिशिर सिवाकोटी, सरिता भण्डारी र जीवन गौतम छमछमी नृत्य गर्दै देखिएका छन् । आगामी असोज ११ गतेबाट प्रदर्शनको तयारीमा रहेका यो फिल्मलाइ सिद्धार्थ पुडासैनीले निर्देशन गरेका हुन् । उनको यो डेब्यु निर्देशन हो । फिल्ममा अर्जुन कुमार निर्माता र माधव वाग्ले कार्यकारी निर्मातामा छन् ।
त्यस्तै शंकर घिमिरेको लेखन तथा निर्देशनमा मा तयार भएको फिल्म ‘तेल भिसा’को पहिलो गीत सार्वजनिक गरिएको छ । सार्वजनिक गरिएको ‘हरि नाम झैं’ बोलको गीतमा कल्याण सिंहको संगीतमा तयार भएको गीतमा हर्क साउदको शब्द रचना छ भने निशान भट्टराई र समीरा थपलियाको गायन छ । गीतमा फिल्मका मुख्य कलाकारहरू विपिन कार्की, वर्षा राउत, पूजा चन्द, ऋचा घिमिरे, बुद्धि तामाङ र सुचित्रा उप्रेती प्रस्तुत छन् । विपिन बुबा र छोराको गरी दोहोरो भूमिकामा छन् । आगामी मंसिर ७ गतेबाट प्रदर्शनको तयारीमा रहेको फिल्मलाइ अनिल पाण्डे र शिवराज कार्कीले निर्माण गरेका हुन ।