अर्जुन कुमारले निर्माण गरेको फिल्म ‘सानो संसार’ अब असोज ११ गते देखि प्रदर्शनमा आउने भएको छ । पूर्वनिर्धारित प्रदर्शन मितिमा हेरफेर गर्दै निर्माताले नयाँ मिति घोषणा गरेका हुन् । यसअघि असोज १७ गते घटस्थापनामा फिल्म ल्याउने तयारी थियो । साथै यो फिल्मको निर्माता र ब्यानरमा अब ‘लुट’का निर्माता माधव वाग्ले र उनको ब्यानर प्रिन्सेस मूभिज पनि जोडिएको छ ।
अर्जुनकुमारको राजधानी मिडिया र प्रिन्सेस मूभिजले अब यो फिल्मलाई संयुक्तरुपमा प्रदर्शन गर्नेछन् । सिद्धार्थ पुडासैनीले निर्देशन गरेको यो फिल्ममामाग्ने बुढाको नामले चर्चित अभिनेता केदार घिमिरेकी पत्नी सीतादेवीले फिल्म अभिनयमा डेब्यु गर्दैछिन् । साथै राज पंगेनी शर्मा, अनु दाहाल, अन्जसा रिजाल तथा शिशिर सिवाकोटी मुख्य भूमिकामा छन् ।