फिल्म रिलिजको पूर्व कसैले आन्कलन नगरेको सफलता हासिल गरेपछी नेपाली सिनेमा छेत्रमा विराजका छोरा समीर भट्टको फिल्म ‘१२ गाउँ’बाट जबर्जस्त रुपमा उदय भएको छ ।एउटा नायक हुनका लागि चाहिने हरेक बिधामा प्रशिक्षण लिएर समिर फिल्म छेत्रमा प्रवेश गरेका छन । फिल्ममा समिरको सबैभन्दा बढी एक्सनलाई दर्शकले मन पराएका छन । समिरको द्रिस्य सम्वादमा पनि राम्रो पकड रहेको छ । यसका साथै समिरको नृत्य र सुगठित शरीरलाई दर्शकले रुचाएका छन् । बिराजको मार्गदर्शनमा लोभ्लाग्दो डेब्यु समिरको भएको छ । समिरले आफुलाई यसरी प्रस्तुत गरेर सफल हुनुमा बुवाको फिल्मप्रती समर्पण र मिहेनत रहेको बताएका छन । पहिलो फिल्म नै ‘ब्लकबस्टर’ भएकाले सम्भवतः अब समीरले केही वर्ष फिल्म पाउन समस्या रहनेछैन । उनको माग चुलिन थालिसकेको छ । त्यसो त समीरको पहिलो फोटो बाहिरिएदेखि नै धेरै मेकरहरु उनलाई लिएर फिल्म बनाउन इच्छुक देखिएका थिए । कतिपय भने ‘१२ गाउँ’को व्यापारिक नतिजा र समीरको काम हेरेपछि मात्र निर्णय लिने सोचमा थिए । अब उनलाई लिएर फिल्म बनाउन मेकरहरुलाई ’१२ गाउँ’ले भरोसा दिलाएको छ । पिताले झैँ उनले एक्सन बाटो नै रोजेका छन् । ‘१२ गाउँ’बाट दर्शकले उनलाई ‘एक्सन नायक’को रुपमा अनुमोदन पनि गरिसकेका छन् । करिब एक दशकदेखि एक्सन फिल्म र एक्सन हिरोको अभावलाई अब समीरले केही हदसम्म परिपूर्ति गर्न सक्ने देखिन्छ । उनको आगमनले अब एक्सन फिल्मको लहर आउन सक्ने सम्भावनालाई नकार्न सकिँदैन । यसैले समीरलाई लिएर फिल्म क्षेत्रले ठूलो अपेक्षा राखेको छ ।

‘१२ गाउँ’मा काम गर्नुभन्दा अगाडि नै समीरले निर्देशक तथा निर्माता सन्तोष सेनको फिल्म ‘बलिदान’ सम्झौता गरेका थिए । पहिला यही फिल्मलाई रिलिज गर्ने तयारी थियो । तर, निर्माणमा ढिलाई हुँदा ‘१२ गाउँ’बाट समीरको डेब्यु भयो । यो फिल्मको सफलताले ‘बलिदान’लाई पनि ठूलो फाइदा पुग्ने अनुमान लगाउन सकिन्छ ‘१२ गाउँ’ले प्रदर्शनको दिनदेखि देशभर प्राप्त अधिकांश सोजमा उच्च अकुपेन्सी कायम गरेको छ ।। सिंगल थिएटर होस् वा मल्टीप्लेक्स, जताततै फिल्मले ठूलो मात्रामा दर्शक भित्राएको छ । सम्भवतः एक दशकपछि एक्सन फिल्म हेर्न हलमा यो किसिमको दर्शक देखिएका हुन् । फिल्मले हरेक दिन एक करोड हाराहारीको व्यापार गर्दै आइरहेको छ । फिल्मको सोज संख्या थपिने क्रम जारी छ