उनले इलाका प्रहरी कार्यालय अनारमनी, झापामा निवेदन दर्ता गर्दै आफूलाई बदनाम गर्ने नियतले भिडियो निर्माण गरी भाइरल बनाइएको दाबी गरेका छन्। घटनामा संलग्न व्यक्तिलाई तत्काल पक्राउ गरी कानुनबमोजिम कारबाही गर्न उनले प्रहरीसँग माग गरेका छन्।

उजुरीअनुसार करिब एक साताअघि दुई जना व्यक्ति आएर आफूलाई ‘चोर’ भन्दै कुटपिट गरेका थिए। सो क्रममा उनीहरूले भिडियोसमेत खिचेर सामाजिक सञ्जालमा सार्वजनिक गरेको अशोकको आरोप छ।

अशोकका अनुसार भिडियोमा आफूले हजार रुपैयाँ चोरी गरेको आरोप डलगाइएको थियो। उनले पटक–पटक उक्त भिडियो हटाइदिन अनुरोध गरे पनि सम्बन्धित व्यक्तिहरूले बेवास्ता गरेको उल्लेख गरेका छन्।

उक्त घटनाबारे उजुरी प्राप्त भएको पुष्टि गर्दै झापा प्रहरी प्रमुख एसपी बसुन्धरा खड्काले प्रहरीले आवश्यक अनुसन्धान अघि बढाइसकेको जानकारी दिएकी छन्।