यही साउन २९ गतेदेखि प्रदर्शनमा आउन लागेको नेपाली चलचित्र ‘लज्जावती’को आधिकारिक ट्रेलर शुक्रबार सार्वजनिक भएको छ । राजबहादुर सानेको लेखन तथा निर्देशन रहेको चलचित्रमा मुकुन भुसाल, जनुका विश्वकर्मा, श्रीकृष्ण निरौला, मेनुका माझी, केशव रिजाल, प्रिया रिजाल, धीरेन साख्य, हिमबाला गौतम, आरआर खड्का, विशाल पहाडीलगायत कलाकारको अभिनय रहेको छ । आहा फिल्म्स प्रालिको प्रस्तुतिमा तथा केन मल्टिभिजन इन्क प्रालिको सहकार्यमा निर्माण भएको चलचित्र साउन २९ गते अर्थात् अगस्ट १४ देखि सिनेमाघरमा प्रदर्शनमा आउनेछ । चलचित्रका प्रस्तुतकर्ता सौरभ वोली हुन् भने कार्यकारी निर्माता दिनेश बुढाथोकी रहेका छन् । कमलप्रसाद शर्मा र सन्दीपकुमार रोक्का निर्माता रहेका छन् । चलचित्रको छायांकन दिव्यराज सुवेदीले गरेका छन् । संगीत बाबुल गिरी र सन्तोष बीसीको रहेको छ भने ब्याकग्राउन्ड स्कोर बाबुल गिरीले गरेका छन् । ट्रेलर साहिल खानले तयार पारेका हुन् ।