लोकदोहोरी गायिका सुशीला गौतमको नयाँ सांगीतिक प्रस्तुति ‘मोरे सैया’ सार्वजनिक भएको छ। सुशीला गौतम र खेम सेन्चुरीको स्वर रहेको गीतले प्रेमभावसँगै नेपाली मौलिक संस्कृतिलाई पनि प्रस्तुत गरेको छ।

नेत्र अर्यालको शब्द रहेको गीतमा खेम सेन्चुरीकै संगीत र हुकलाइन छ। कुमार विश्वकर्माले रेकर्डिङ गरेको गीतमा एचबीएन किस्मतको संगीत संयोजन छ।

सुनिल बीकेको निर्देशनमा बनेको भिडियोमा गरिमा शर्मा र खेम सेन्चुरीलाई मुख्य भूमिकामा देख्न सकिन्छ। नेपाली मौलिक पहिरनसँगै सौराहाको प्राकृतिक सौन्दर्यलाई भिडियोमा समेटिएको छ।

अनिल के. मानन्धरको छायांकन र प्रविन भट्टको सम्पादन रहेको गीत गल्बन्दी प्रोडक्सनको प्रस्तुतिमा तयार भएको हो। ‘मोरे सैया’ सुशीला गौतमको युट्युब च्यानलसहित विभिन्न डिजिटल प्लेटफर्ममा सार्वजनिक गरिएको छ।