कथाकार गुरुप्रसाद मैनालीको चर्चित कथासंग्रह ‘नासो’मा सङ्ग्रहित ‘परालको आगो’ कथालाई आधार मानेर चलचित्र निर्माण हुने भएको छ । यो चलचित्रको मुख्य भूमिकामा अभिनेत्री सुहाना थापासँग कागजी सम्झौता भएको छ । फिल्म निर्माण कम्पनी हरिओम सिने मेकर्सको तर्फबाट निर्माता सुशील पोखरेलले शुक्रबार सुहानासँग कागजी सम्झौता गरेका छन। यो फिल्ममा सुहानाले गौँथलीको चरित्र निभाउने छीन् ।
फिल्म ‘ए मेरो हजुर ३’बाट फिल्मी यात्रा सुरु गरेकी सुहानाले यो पहिलोपटक बाहिरी ब्यानरको फिल्ममा काम गर्न लागेकी हुन । गत वर्ष फिल्म ‘एक भागवत् एक गीता’मा काम गरेकी सुहानाले ‘ए मेरो हजुर ४’मा पनि प्रमुख भूमिका निभाएकी छीन ्। यी तीनवटै फिल्मको निर्देशन उनकी आमा झरना थापाले गरेकी हून । ‘परालको आगो’लाई लक्ष्मण सुनारले निर्देशन गर्ने तय भएको छ ।
यो फिल्मको लागि सम्झौता भएपछि सुहाना निकै खुशी छीन् । एउटा अमर कृतिमा काम गर्न पाउनु उनका लागि सौभाग्य भएको र तेसैले पहिलोपटक होम ब्यानर बहिरको फिल्म साइन गरेको उनले बताएकी छीन् । फिल्मको गौँथली चरित्र निभाउन आफु आकर्शित भएको सुहानाको दावी छ ।
अर्को वर्ष (२०८२)को दशैंमा प्रदर्शन गर्ने तयारी रहेको फिल्ममा सुशील देवकोटाको लेखन छ । यहि कथामा निर्देशक प्रताप सुब्बाले पनि केही समय अघी फिल्म निर्माण गरेका थिए । ।तर अब नयाँ लोकेसन, फरक प्रस्तुतिकरण र रोचक पटकथामा फिल्म निर्माण गरिने निर्माता पोखरेलले जानकारी गराएका छन ।
केही दिनअघि कथाकार मैनाली कथा पुरस्कार ट्रस्टको तर्फबाट कथाकार मैनालीका छोरा माधवप्रसादले निर्माता सुशील पोखरेललाई ‘कथाको भाव र मर्म’ नमासिने गरी फिल्म निर्माणका लागि स्विक्रिती दिएका थिए । ‘परालको आगो’ कथामा दुई पात्र चामे र गौँथली (श्रीमान्–श्रीमती)को झैँझगडालाई परालको आगोको संज्ञा दिइएको छ । यो कथा कथाकार मैनालीको सर्वश्रेष्ठ कथा मध्य एक हो ।