यही माघ २५ गतेबाट प्रदर्शन हुन लागेको फिल्म ‘जुनाः एक व्यथा’को टिजर सार्वजनिक गरिएको छ । सार्वजनिक गरिएको २ मिनेट लामो टिजरमा अनमेल विवाह गर्न बाध्य एउटी नाबालिगले पतिको घरमा भोग्नुपरेको दुःख र मानसिक पीडालाई मर्मस्पर्शी रुपमा देखाएको छ ।
जीवन सेञ्चुरीको निर्देशनमा तयार भएको यो फिल्ममा अभिनेत्री अस्मिता ढकालसहित देशभक्त खनाल, रश्मी भट्ट, अनिता बस्नेत, कमल बोहोरा, कृष्णप्रसाद धिताल, अस्मिता बस्नेत, खगेन्द्र न्यौपाने लगायतको अभिनय रहेको छ ।
बाल विवाह र महिला हिंसाविरुद्धको कथावस्तुमा आधारित भएर बनेको फिल्मलाइ दीपकप्रसाद घिमिरेले निर्माण गरेका हुन । फिल्ममा राजबहादुर सानेको कथा, बीबी अनुरागी र रमेश सेञ्चुरीको संगीत, र रामेश्वर हुमागाईंको डीओपी रहेको छ ।